రోడ్డు మీద అకస్మాత్తుగా మారిన పరిస్థితులు క్షణాల్లో పెద్ద ప్రమాదానికి దారి తీసిన ఘటన ఒకటి సోషల్ మీడియాలో వైరల్ అవుతోంది. బస్సు అదుపుతప్పి బోల్తా పడిన ఈ దృశ్యాలు ఇప్పుడు ఇంటర్నెట్‌లో తీవ్ర చర్చనీయాంశంగా మారాయి.
వివరాల్లోకి వెళితే, ఇద్దరు వ్యక్తులు ద్విచక్ర వాహనంపై ప్రయాణిస్తున్న సమయంలో, వారు ఎడమ వైపు నుండి అకస్మాత్తుగా కుడివైపుకు వెళ్ళే ప్రయత్నం చేశారు. ఈ అనూహ్య చర్యతో, వెనుక నుండి వస్తున్న బస్సు వారిని తప్పించేందుకు కదిలింది. అయితే, ఆ ప్రయత్నంలో బస్సు అదుపుతప్పి డివైడర్‌ను దాటి బోల్తా పడింది.
ఈ ప్రమాదంలో ప్రయాణికులకు ఏమైంది? ఎవరికైనా తీవ్ర గాయాలు అయ్యాయా? అనే విషయాలు ఇంకా తెలియరాలేదు. అయితే, ఈ ఘటనకు ఎవరు బాధ్యులు? ద్విచక్ర వాహనదారుల తప్పా? లేక బస్సు డ్రైవర్ పరిస్థితిని సమర్థవంతంగా ఎదుర్కోలేకపోవడమేనా? అనే ప్రశ్నలు నెటిజన్లలో చర్చనీయాంశంగా మారాయి.
ఈ ఘటనకు సంబంధించిన వీడియో సోషల్ మీడియాలో పెద్ద ఎత్తున షేర్ అవుతోంది. అయితే, రోడ్డు ప్రయాణాల్లో అప్రమత్తంగా ఉండాలన్న సందేశాన్ని ఈ ఘటన అందరిలోనూ కలిగిస్తోంది.