అల్లరి నరేష్ కొత్త సినిమా ‘బచ్చల మల్లి’. సోలో బ్రతుకే సో బెటర్ ఫేమ్ సుబ్బు మంగదేవి దర్శకత్వం వహిస్తున్నారు. సామజవరగమన, ఊరు పేరు భైరవకోన వంటి బ్లాక్ బస్టర్‌లను అందించిన హాస్య మూవీస్ బ్యానర్‌పై రాజేష్ దండా, బాలాజీ గుత్తా నిర్మిస్తున్నారు ఈ మూవీని.
అల్లరి నరేష్ బర్త్ డే స్పెషల్ గ్లింప్స్, ఫస్ట్ లుక్ ఈ సినిమాపై చాలా క్యురియాసిటీని పెంచాయి.
ఈ సినిమాకి సంబంధించి ఫస్ట్ సింగిల్ మా ఊరి జాతరలో రిలీజ్ చేసారు మేకర్స్.
హీరో హీరోయిన్లు అల్లరి నరేష్, అమృత అయ్యర్‌ల అద్భుతమైన బాండింగ్‌ని తెలియజేసేలా లిరిసిస్ట్ శ్రీమణి అందించిన లిరిక్స్ ఆకట్టుకుంటున్నాయి. ఒకరినొకరు ఎంతగా ప్రేమిస్తున్నారో ఈ పదాలు వివరిస్తాయి. నరేష్ తన భార్యకు ఏదో ఒక స్పెషల్ ప్రెజెంట్ చేయాలని కోరుకుంటుండగా, ఆమె తన జీవితాంతం అతనితో గడపాలని కోరుకుంటుంది.
‘సీతారామం’ ఫేమ్ కంపోజర్ విశాల్ చంద్రశేఖర్ ఫోక్, ఫంక్ బ్లెండ్ చేస్తూ పాటను స్కోర్ చేసారు. ఈ మెలోడీని సింధూరి విశాల్‌తో కలిసి హను-మాన్ కంపోజర్ గౌరా హరి మెస్మరైజింగ్ పాడారు.
విజువల్స్ బ్యూటీఫుల్ గా ఉన్నాయి. అల్లరి నరేష్, అమృత అయ్యర్ అద్భుతమైన కెమిస్ట్రీ చాలా చక్కగా కుదిరింది.
రోహిణి, రావు రమేష్, అచ్యుత్ కుమార్, బలగం జయరామ్, హరి తేజ, ప్రవీణ్, వైవా హర్ష ముఖ్య పాత్రల్లో కనిపించనున్నారు.
మేకర్స్ ముందుగా అనౌన్స్ చేసినట్లుగా ‘బచ్చల మల్లి’ సెప్టెంబర్‌లో ప్రపంచవ్యాప్తంగా విడుదల కానుంది.